La 13an de januaro 2022 post longa malsano en Tomsko forpasis Aleksej Petroviĉ Birjulin (Бирюлин, 1956-2022).
Image may be NSFW.
Clik here to view.
Siberia inĝeniero kaj elstara Sovetunia kaj Ruslanda esperantisto, kunforminto kaj komitato de E. R. Kulturo (1984-91) kaj de Ruslanda Esperanto-Asocio (1992-94), kunfondinto kaj redakciano de la legenda almanako Sezonoj (1984-90), kunlaboranto de Ekzakte kaj La Ondo de Esperanto, redaktoro de Spektro (1993-94), aŭtoro de pluraj studoj, artikoloj, recenzoj (precipe de verkoj scienc-fikciaj, fantastaj kaj muzikaj) kaj tradukoj, inkluzive de la samizdate eldonita broŝuro Pri la nocio “esperantisto-aktivulo” aŭ la aktivecoj veraj kaj malveraj (Sverdlovsko, 1984), longtempa membro de la juĝkomisiono de la konkurso Liro, bonega konanto de literaturo kaj muziko, kreinto de pluraj popularaj esprimoj…
Lastatempe Aleksej Birjulin kunlaboris en nia nova reta projekto pri kolekto, sistemigo kaj publikigo de materialo pri Sovetunia Esperanto-movado en la 1970-80aj jaroj.
Ni funebras pro la forpaso de nia proksima amiko Aleksej (kaj baptofilo de Aleksander) kaj kondolencas al lia edzino Raŝida, kaj al liaj infanoj kaj nepoj.
Halina Gorecka
Aleksander Korĵenkov
Aleksej Korĵenkov
Ĉi tiu artikolo aperis en la novaĵretejo La Ondo de Esperanto.
Ĉe represo aŭ citado bonvolu indiki la fonton:
La Ondo de Esperanto https://sezonoj.ru/2022/01/birjulin
Clik here to view.
Klaku la supran bildon por vidi la abonmanierojn.
The post Aleksej Birjulin forpasis appeared first on La Ondo de Esperanto.